Viyazoaru

 ހއ.ބާރަށު މޮނިޓަރިން ހާލަތު އުވާލައިފިއެވެެ. ބާރަށުން 36 މީހަކު ވަނީ ފައްސިވެފައެވެ. އޭގެތެރެއިން 13މީހަކު މިހާރުވަނީ ބަލިން ފަސޭހަވެފައެެެވެ.

މާލެއިން ކެނަބިސްގަހެއްކަމަށް ޝައްކު ކުރެވޭ ގަހެއް ފެނިއްޖެ. މި ގަސް ފެނިފައިވަނީ ދަރުމަވަންތަ ހޮސްޕިޓަލް ބޭރުގައި ހައްދާފައިހުރި ގަސްތަކެއްގެ ތެރެއިންނެވެ. މިކަމާ ގުޅިގެން ފުލުހުން ބުނެފައިވަނީ، ދަރުމަވަންތަ ހޮސްޕިޓަލް ކައިރިން ކެނެބިސްގަހެއް ފެނިގެން ފުލުހުން އެ ސަރަހައްދުގައި އަންގާރަ ދުވަހު ހަރަކާތްތެރިވެފައި ކަމަށެވެ. މިކަމާ ގުޅުންހުރި އިތުރު ތަފްސީލް ފުލުހުން އަދި ހާމަކޮށްދީފައެއް ނުވެއެވެ. ނަމަވެސް މިކަމާ ގުޅިގެން ބަލަންޖެހޭ ކަންތައްތައް މިހާރު ބަލަމުންދާކަމަށް ފުލުހުން ބުނެއެވެ.  ކެނަބިސްއަކީ އާންމުގޮތެއްގައި މަސްތުވުމަށް ބޭނުންކުރާ ޒާތުގެ ފަތެކެވެ. އަދި ސިއްހީ އެކިއެކި ފަރުވާތަކަށްވެސް ދުނިޔޭގެ އެކި ސަރަހައްދު ތަކުގައި މި ފަތް ބޭނުންކުރެއެވެ. ކެނެބިސް އެތެރެކުރުމާއި ބޭނުންކުރުމުގެ ކުށަކީ ފަހަކަށް އައިސް ރާއްޖޭގެ މުޖުތަމައުގައި އާންމުވެފައިވާ މައްސަލައެކެވެ. މި ފަދަ މައްސަލަތަކާ ގުޅިގެން ކޯޓުތަކުން ވަރަށް ބޮޑެތި ހުކުމްތައްވެސް އިއްވާފައިވެއެވެ.

އަޝްހަމްގެ ސަނަދު     މޯލްޑިވްސް އޯޓިޒަމް އެސޯސިއޭޝަންގެ ދަރިވަރު، މުހައްމަދު އަޝްހަމް 9، މއ. އަރިވަރު، ކީރިތި ގުރުއާން ހިތުދަސްކޮށް، ހާފިޒްކަމުގެ އިމްތިހާނު ނިންމައި ގުރުއާން ހިފްޒު އިމްތިހާން ކުރާ ކޮމެޓީއަށް ކިޔައިދީ ސަނަދު ހާސިލްކުރީ ފެބުރުއަރީ މަހުގައެވެ. މި އިމްތިހާނުން އަޝްހަމް ފާސްވެފައިވަނީ އެވަނަ ދަރަޖައިގައެވެ. އަޝްހަމް ވަނީ އޭނާގެ އުމުރުން 5 އަހަރުގައި ޤުރުއާން ހިތުދަސްކޮށް، ސްކޫލަށް  ކިޔައިދީފައެވެ. ހާފިޒުކަމުގެ ސަނަދު ނެގުމުގެ މަސައްކަތް އަޝްހަމް ފެށީ އޭނާގެ އުމުރުން 5 އަހަރުގައި 2017 ވަަނަ އަހަރުއެވެ. އެހާ ޅައުމުރުގައި ޤުރުއާން ހިތުދަސްކުރުމުން އެއިރު ސައުދީ އެމްބަސީންވަނީ އަޝްހަމްގެ ކިޔެވުމަށް 1000 ޑޮލަރުގެ އެހީއެއް ދިީފައެވެ. މިއާއެކު މޯލްޑިވްސް އޯޓިޒަމް އެސޯސިއޭޝަނުން ހިލޭ ކިޔެވުމުގެ ފުރުސަތު ވެސް ސައުދީ އެމްބަސީންވަނީ އަޝްހަމަށް ހަމަޖައްސައިދީފައެވެ. އަޝްހަމަކީ އޯޓިޒަމް އަދި އެޓެންޝަން ޑެފިސިޓް ހައިޕާ އެކްޓިވިޓީ ޑިސްއޯޑަރ (އޭޑީއެޗްއޭޑީ) ހުންނަ ކުއްޖެކެވެ

  ނިފާޒު   ފ. ބިލެތްދު އަށް ނިސްބަތްވާ އުމުރުން އެންމެ 17 އަހަރުގެ ދިވެހި ފިިރިހެން ކުއްޖަކު 38 ކިލޯގެ މަހެއް ބާނައިފިއެވެ. އޭނާ މި ބޮޑު މަސް ބާނާފައި ވަނީ މިދިޔަ ހުކުރު ދުވަހު ކަމަށާއި އެއީ "ވޮށިމަހެއް" ކަމަށެވެ. އެ މަސްް ބޭނުމަށް ފަހު ކިރި އިރު އޭގައި 38 ކިލޯ ހުރި ކަމަށް އޭނާ ބުނެފައިވާކަމަށް ވަގުތުނޫހުގައި ރިޕޯޓުކޮށްފައިވެއެވެ. މި މަސް ބޭނީ ފ. އަތޮޅުންނެވެ. މިމަސް ބޭނިި ނިފާޒުއަކީ އުމުރުން 14  އަހަރުން ފެށިގެން ސްޕޯޓްްްްސް ފިށިން ގައި އުޅޭ ކުއްޖެކެވެ.

  އުތީމު ހަދިޔާ/ނަޒީހުފޮޓޯ  އުތީމުރައްޔިތުންް ބާރަށު ރައްޔިތުންނަށް   މަސްހަދިޔާކޮށްފިއެވެ. ބާރަށަށް ދިމަާވި ކޮވިޑުގެ ހާލަތުގައި އަވައްޓެރި މުރައިދޫ އާާއިި ބާރަށު ދާއިރާގެެ މެމްބަރު އަބްދުﷲ އަހްމަދު އަދި ބާރަށު ކައުންސިލް މެމްބަރުކަމަށްވާ ހަަމައެކަނި މިނިވަންކެންޑިޑޭޓް މުމްތަހާޒު ވެސް ވަނީ މަސްހަދިޔާކޮށްފައެވެ. މިއެންމެހާ ފަރާތްތަކަށް ބާރަށު ރައްޔިތުންދަނީ ޝުކުރުތައް އޮއްސަމުންނެވެ.  ބާރަށުގައި މިހާތަނަށް 621 ސާމްޕަލް ނަަަގާާަަަފައިި ވާއިރު 36 މީހަކު ވަނީ ފައްސިވެފައެވެ.

    އެޗް.ޕީ.އޭ އިން އިންތިހާބާ ބެހޭ ގަވައިދުގެ، ކެމްޕެއިން ކުރުމަށް ކަރަންޓީނު ވުމަކާއި ނުލާ އެއްރަށުން އަނެއްރަށަށް އަރާފޭބޭނެކަމަށް އެކުލަވާލި އުސޫލު، ރައްޔިތުން ރަތައްއެރުމުން، އުވާލައިފިއެވެ. ރައްކާތެރިކަމާއެކު ލޯކަލް ކައުންސިލް އިންތިހާބު ކުރިޔަށް ގެންދިއުމަށް އަމަލުކުރުމަށް  ގެނައި އިސްލާހުގެ 12ވަނަ މާއްދާ އުވާލަން ނިންމިކަމަށް އެޗް.ޕީ.އޭ އިން ހާމަކުރީ ރޭ 23:02ގައި ކުރި ޓުވީޓަކުންނެެވެ.  އެޗް.ޕީ.އޭ ގެ ގިނަ ނިންމުންތައް ސިޔާސީ ކަމަށާއި، ސަރުކާރުން އެދޭގޮތަށް ކަންކަން ކުރާކަމަށް ބައެއް ރައްޔިތުން ފާހަގަކުރެއެވެ. އަދިި އިއްޔެ ސަރުކާރު ހިންގާ ޕާޓީން އެޗް.ޕީ.އޭ ގައިޑްލައިނާ ހިލާފަށް ހުޅުމާލޭގައި ބޭއްވި ހަފުލާކާއި ގުޅިގެން ރައްޔިތުންގެ ފާޑުކިޔުން އެމްޑީޕީ ގެ ނަމޫނާ ކެމްޕެއިންނަށް އަމާޒުވުމާއި ގުޅިގެން ބުނެފައިވަަނީ އެއީ އެޗްޕީއޭ އިން ހުއްދަނަގައިގެން ހިންގި ހަރަކާތެއްކަމަށްށެވެ. ކޮންމެއަކަސް 12 ވަނަ މާއްދާއަށް ގެނައި އުސޫލު އުވާލުމާއިގުޅިގެން ދެން ކެމްޕެއންނަށް ދެވޭނީ ކަރަންޓިނު ވާގޮތަށެވެ.

ބާާރަށުން އިއްޔެ ނެގި 58 ސާމްޕަލްގެ ތެރެއިން 3 މީހަކު ކޯވިޑް-19 އަށް ޕޮޒިޓިވް ވެއްޖެއެވެ. އެރަށުން އިތުރު 3 މީހަކު ޕޮޒިޓިވްވުމާއެކު، އެ ރަށުން މިހާތަނަށް ޕޮޒިޓިވްވި މީހުންގެ ޢަދަދު ވަނީ 36 އަށް އަރާފައެވެ.